Hasiera - Santurtziko Udal Euskaltegia

Ikastaroak
2008-(e)ko Mayren 14-(e)an
Udako ikastaroetan matrikula egiteko epea hasi ez bada ere, jakinarazi nahi dizuegu zein izango diren aurtengo berrikuntzak. Ikastaro trinkoei dagokinez, bi dira aldaketa nagusiak. Alde batetik, ohiko ikastaro trinkoak egunean bost ordukoak izatetik lau ordukoak izatera pasatu dira, eta beste aldetik, helburu jakin bat izango dute: HABEren azterketak prestatzea. Udako ikastaro laburrei dagokinez, berriz, iraupena handitu egin da. Aurten egunero bi ordukoak izango dira. Bi ikastaro labur eskainiko ditugu: Iniciación al euskera, bata eta Mintzamena landuz, bestea. Informazio gehiago idazkaritzan
Artikulu honek iruzkin 1 du

Ekitaldiak
2008-(e)ko Mayren 13-(e)an
HIK HASI Euskal Heziketarako egitasmoak bederatzigarren urtez antolatu ditu udako topaketa pedagogikoak EHUko Hezkuntzaren Teoria eta Historia Sailarekin batera. 2008ko uztailaren 1, 2 eta 3ean gaurkotasun handia duten gaiei buruzko ikastaroak egin ahal izango dira euskaraz, Donostiako Ibaetako Kanpusean. Adi egon zeren dagoneneko matrikula egitea epea zabalik baitago! Era guztietako ikastaroak prestatu dituzte eta hemen ondokoak azpimarratu nahi ditugu: Ikas-estiloen eta ikas-estrategien garrantzia hezkuntzan Irakaslea: Iñaki PIKABEA. Psikologoa. Pedagogoa. Pedagogian doktorea. EHUko irakaslea. Nola egokitu estilo kognitiboak eta irakaskuntza-estiloak? Irakaslea: Mikel HARANBURU. EHUko irakaslea Wikiak eta Webquestak irakaskuntzan Irakaslea: Maite GOÑI. Ordiziako Jakintza ikastolako IKT taldeko partaide eta euskaljakintza egitasmoaren arduraduna. Blogak irakaskuntzan Irakaslea: Mikel ETXARRI. Ordiziako Jakintza ikastolako webmasterra. LH eta DBHko irakaslea. Irakaskuntza 2.0: WEB 2.0 baliabideak eta konpetentzia digitala Irakaslea: Jokin LACALLE. Ordiziako Jakintza ikastolako IKT dinamizatzailea. Batxilergoko Fisikako irakaslea. Matrikula eta informazio gehiago hemen
Artikulu honek iruzkin 1 du
Gehiago irakurri...

Azterketak eta deialdiak
2008-(e)ko Mayren 12-(e)an
HABEren lehen eta bigarren mailako azterketa idatzia egin ahal izateko, Santurtziko Udal Euskaltegiko ikasleek kontuan hartu beharreko oharrak. Azterketa idatzia Santurtziko Udal Euskaltegiaren egoitzan egingo da 2008ko maiatzaren 17an. Lehen mailako azterketa: Ikasleak egoteko ordua: 8:45ean Azterketari hasiera emateko ordua: 9:00etan Bigarren mailako azterketa Ikasleak egoteko ordua: 11:15ean Azterketari hasiera emateko ordua: 11:30ean Hirugarren mailako azterketa Azterketa Barakaldoko BECen izango da Noiz: 2008ko maiatzaren 24an, 9:00etan
Ez dago iruzkinik
Gehiago irakurri...

Ekitaldiak
2008-(e)ko Aprilren 29-(e)an
Topaguneak, Euskara Elkarteen federazioa, Irakurri, gozatu eta oparitu ekimena jarri du martxan aurten ere. apirilaren 2 Antolatzaileen hitzetan, egitasmoak irakurtzeko gogoa kutsatu nahi du, eta poza, eta ahal dela penak arindu eta inurriak zabaldu. Hainbat irakurtzaleren artean ehun liburuko zerrenda osatu dute liburua aukeratzeko momentuan lagungarri gerta dadin. Liburua hautatu, irakurri eta horri buruzko erreseina laburra egindakoan, euskarazko beste edozein liburu %25 merkeago erosi ahal izango dugu. Topagunearen ekimen hau hainbat herritan burutuko da eta Santurtzin BAI ESAN taldea kargutu da antolaketaz. Informazioa gehiago hemen Ekimena Santurtzin Apirilaren 23tik uztailaren 26ra.
Ez dago iruzkinik
Gehiago irakurri...