Argudio eta falazien zerrenda

Kontestuaren esparrukoak

Kausa ondorio argudioa: gertaeren arteko harreman logikoa ezartzen da.

Autoritatearen argudioa: mezuaren hartzaileak onartzen duen autoritate baten aipua azaltzen da.

Ereduaren argudioa: eredugarri izateko asmotan autoritate bat aipatzen da.

Onuraren argudioa: ekintza zehatz batek sortzen duen onura aintzat hartuta defendatzen da tesia.

Errealitatearen egitura azaltzeko bideratutakoak

Adibide bat oinarrian duela osatzen den argudioa: gertaera zehatz batetik abiatzen da igorlea, izaera bereko edo antzeko gertaeretan ezarri ahal den ondorio batera ailegatzeko.

Konparazioa edo metafora oinarrian duela osatzen den argudioa: adibideak emateko era honekin arrazoitu nahi den antzeko kasu bati egiten zaio erreferentzia.

 

Argudio hauen ondoan falaziak agertu ohi dira (Falazia: testuaren zintzotasuna, objetibotasuna eta zentzuzko arrazoiak bazterrean utzita, diskurtsoaren arrakasta ziurtatzearrren erabiltzen diren mekanismoak dira.)

Erasoa eta pertsonari izena kentzea (ad quoque): irainaz eta arerioari izena galtzeaz baliatzen dira

Hartzailearen errukia (ad misericordiam): defendatzen denaren balioa erakutsi beharrean, errukia sortuz lortu nahi da atxikimendua.

Sasi-autoritate batean oinarritzen dena (ad verecundiam): eztabaidatzen den gaian autoritate ez diren pertsona edo erakunde baten aipua azaltzen da.

Argudio demagogikoa (ad populum): iritzia indartzeko, argudioaren balioa finkatu beharrean, talde baten onurari egiten zaio erreferentzia.

Gehiegizko boterean oinarritutakoa (ad baculum): entzulegoa mehatxuaren bidez konbentzitu nahi da.

Sasi-kausa ondorioetan oinarritutakoa: ezartzen den kausa-ondorio harremana faltsua edo ilogikoa da

Metafora, konparaketa eta adibideak erabili: indartu nahi duten ideiarekin bat ez datozenean.

 

Argudio eta falaziekin batera baliabide erretoriokoak ditugu, hauek oso balio argumentatibo garrantzitsua dute; esaterako galdera erretorikoak irakurlea inplikatzen du, konparazioarekin irudi ezagunak edo deigarriak lotu ahal dira defendatu nahi den ideiarekin, pertsonifikazioaren bidez irakurlegoaren emozioetan eragin daiteke, gehiegikeria, narrazioa, e.a. . Era berean, ironiak eta ezeztapenak zeharkako kritika egiteko erabili ahal dira.