(testu moldatua)

Bilbo mugitzen da. Azken urteotan jasotako hirigintza eta arkitektura aldaketek hiri hau izaki bizi bihurtu dute, proiektu mordoek ezartzen duten erritmoan aldatzen delarik. Gaur egun zazpiehun urte baditu hiriak. Abandoibarra berritzeak eta hiriko gainontzeko eraikuntza eta etxe nagusien fatxaden garbiketak Bilbo moderno eta argitsu bat erakusten dute, lehena, oraina eta geroa bikaintasunez konbinatuz.

Alde Zaharretik, Arenaleko Zubia gurutzatu Nerbioi itsasadar gainetik eta Plaza Borobilera heldu aurretik, bi eraikuntza inportante daude: Santanderrera doan trenbide geltokia, eta ondoan Sociedad Bilbainaren bulego nagusia, hiriko Klub pribatu nagusiena.

Espainiako plazaren erdian Diego López de Haro Jaunaren eskultura dago, hiri fundatzailea eta puntu honetan izaten diren ziten lekuko isila. Hemen hasten da Gran Vía, Bilboko kale nagusia, tarte askotan oinezkoen alderdia bihurtuta azken urteotan.

Berastegi kaletik Albia lorategietara goaz, udan leku baketsu eta eguzkirik gabekoa bere zuhaitz hostotsuei esker. Bere ondoan San Vicente eliza, gotikoa eta elizatari errenazentistaduna.

Dena dela, Gran Víara bueltatzea komeni da, han baitaude denda, jende eta izugarrizko eraikuntzak, besteak beste, Foru Aldundiaren Jauregia, mende hasierako estilo eklektikokoa. Federico Moyúa plazan edo Plaza Eliptikan zerbait ikusgarri dago: Chavarri jauregia, errenazentista eta Gobernu Zibilaren egoitza. Eraikuntza eta plaza elementu nagusiak dira, iturburutik eta lorategi apainduetatik paseatzen ari den jendearentzat ikusgai. Gran Vía Jesusen Bihotza Plazan bukatzen da. Plaza erdian eraikitako erlijio monumentu hau harrizko zutabe erraldoia da, Jesusen Bihotzaren brontzezko eskultura bat gainean duelarik. Handik gertu Casilda de Iturrizar Parkea bukatzen da, olgetarako gunea. Hara joaten dira bilbotarrak atsedena hartzeko, paseatzeko eta putzu, ahate eta zuhaitz dibertsitatea ikusteko.

Jesusen Bihotza plaza ondoan Santa Casa de Misericordia eraikuntza eta parkea dago; San Mamés futbol zelaia, bertako futbol taldeak jokatzen duen zelaia (Athletic de Bilbao); eta Erakustazokaren eraikuntzak. Oso hurbil dago Euskalduna jauregia, Batzar jauregia. Doña Casilda parkea zeharkatuz Arte Ederren Museora iritsiko gara, Espainiako pinakoteka hoberenetarikoa.

Guggenheim Museoa handik ikus dezakegu, Frank O. Gerhy arkitektoaren lana. Deustu zubitik Unibertsitatera heldu eta handik museoaren bista berriak izango ditugu, Nerbioi itsasadarreko bestaldetik. Itsasadar paregabearen ondoan, Campo Volantín pasealekuan zehar ibil daiteke Bilboko Udaletxeraino iritsi arte. Bertatik, berriro Arenalera, irteerako puntura.

HIZTEGIA: