Aduanak 1.153 kilo kanabis atzeman zituen joan den astelehen arratsean Biriatuko mugan. Huelvatik zetozen bi gizonen kamioia miatu ondoan aurkitu zuten droga, 8 eta erdietan. Holandan saltzera zeramaten arrain hormatuaren azpian gordea zuten. 53 urteko eta 36 urteko bi gizonak Baionako SRPJaren esku utzi zituzten. Hiru oren lehenago, frantziar matrikuladun kamioi batean 106 kilo kanabis atzemanak zituzten, fruituen azpian gorderik. 46 urteko gidaria atxilotu zuten.