Literatura erotikoa mami hartuta, bilduma berri bat aurkeztu zuen atzo Txalaparta argitaletxeak, Juan Martin Elexpuruk koordinatutakoa. Donostiako sex-shop batean aurkeztu zuten bilduma berria argitaratzaileek, eta egileen arteko bat Juan Martin Elexpuru bera dugu, Krabelina beltza izenburuko eleberriarekin.

1. Hasteko, Durangora bilduko diren bisitarientzat argibide moduan, aurkez ezazu zure Krabelina beltza.

2. Lan asko eskatu dizu liburuak, sarri erabili ez duzun generoa izaki?

3. Jasone Osororen liburuak arrakasta handia izan zuen. Horrelako ezusteek zein neurritaraino ohartaraz ditzake argitaletxeak genero baten potentzialaz?

4. Genero hau lantzen jarraitzeko asmoa al duzu?

5. Vicent Gil de Paulesek duela urte asko ekin zion Zuku festa aldizkari pornoa kaleratzeari. Erabat euskaraz, Euskal idazleen ipuin erotikoak bilduman haren ipuin bat jaso duzu. Omenaldi moduan agian?

6. Jaso ditugun esamolde zahar asko eta asko nekazari giroan sortuak dira. Gero eta kaletarragoa den gizartean, berriak asmatzen hasteko edota zaharrak egokitzen hasteko beharra sumatu al duzu?

7. Literatura bildumako koordinatzaile moduan, literatura erotikoa lantzeko orduan idazlearen sexuak eragindako bereizketarik sumatu al duzu?

8. Globalizazioaren garaian sexua eta erotismoa ulertzeko modua ere uniformatzen ari al da?

9. Eta literatura erotikoa? Afrodisiakotu ala pornografikotu egin dira?

10. Euskal Herrian miraria omen da oraindik ere ligatzea. Hori guztia kontuan izan duzu zure balizko irakurleak irudikatzerakoan?

1. Oso kulturala da, nire ustez. Duela 40 urte, titi batzuk ikustea pornografia gogorra zen, eta jendea erabat sukartuta jartzen zen. Egun, titiak ikustea belaunak ikustea bezalakoa da ia. Orduan, ikaragarri aldatzen den kontzeptua da. Egun erotiko hitza pornografiari ere ematen zaio askotan. Nire liburua, esaterako, askoentzat pornografia gogorra izango da. Beste batzuentzat, aldiz, nobela arrosa izan daiteke ia. Orduan, oso erlatiboa izan daiteke kontzeptua.

2. Lehen esan bezala, aspaldidanik pentsatzen nuen liburu hau idaztea. Kostatu egin zitzaidan pixka bat doinua eta erritmoa hartzea, ez baita genero erraza. Batek esango luke bi edo hiru lagun hor txortan jartzen dituzula eta dena egina dagoela, baina hori ez da kontua. Azken batean, literatura erotikoaren helburuetako bat, kakotx artean, irakurlearen asaldapena lortzea da. Hori uste baino zailagoa da. Idazketa aldetik ere asko zaindu behar duzu lexikoa landu, hitz zehatzak erabili, astunegia ez izan...

3. Nik haren Zuku festa kontsultatu izan dut. Hori hor dago. Bestalde, bazen Hiztegi erotikoa delakoa, Ramon Etxezarretak idatzia, eta hori ere baliagarri izan zait, nahiz eta hiztegi erotiko modernoa egokitzeko dagoen. Egindako guztia ondo dago. Dena delalexiko aldetik-eta ez dut zailtasun handirik izan. Plazerraren arloa deskribatzeko lexikoa ez dago oso landua, baino metaforak eta beste formak erabiliz gaindi daitekeen arazoa da.

4. Bai eta ez. Emakumearen begirada normalean intimistagoa, sentsualagoa izaten da, baina jaso ditudan ipuinetan ez da hainbeste ere sumatzen hori. Irakurleak esan beharko du, baina gure ipuin bildumako emakume batzuen ipuinak gizonezkoenak bezain ausartak dira.Nik uste dut oro har badela diferentzia bat emakumeen eta, gizonezkoen artean erotismoa eta pornografia ulertzeko moduan. Hori ezin da ukatu. Baina, beharbada, ez da uste bezain argia.

5. 180 bat orriko nobela bat da. Erotikoa-edo da, ez dakit nola deitu. Erotikoa edo pornografikoa deitzen zaio normalean, baino nik nahiago dut afrodisiakoa deitu. Etxez etxe liburuak saltzen diharduen gizon baten eta bere bezero baten arteko harremana da liburuko oinarria. Saltzaile hori neska bezero batekin maitemintzen da, eta amodioa eta sexua bere zirrikitu guztietan bizi dute. Pertsona gehiago ere sartzen da tartean. Badago halako hari bat nobela lotzen duena, KrabeIina beltzaren aurkikuntza. Baina ez dut esango zer den Krabelina beltz hori, nobelaren gakoetako bat baita.

6. Nahiko luze jo zidan, egia esan, nahiz eta aurretik urteetan liburuaren ideia buruan nerabilen. Idazketan bertan, 9 bat hilabete behar izan nituen. Haurdunaldi bat bezala. Doinua eta erritmoa hartzea dezente kostatu zitzaidan, egia esan.Nik, orain artean ipuin erotikoren bat bai, baina bestela ez dut landu genero hori. Beste hizkuntzetan, gaztelaniaz, frantsesez, katalanez... bilduma dezente dago genero honetakoa. Liburuez gain, material piloa ekoizten eta saltzen da. Bai aldizkari, film, bideo... Ez dakit genero txikia ala handia ote den, baina euskarara berandu samar heldu da beharbada uholde hau, baina badirudi heldu dela.

7. Egia esan, irakurlea inkognita bat da niretzat. Oraintxe jakingo dugu. Edo egundoko gosea dago eta jendeak irrikaz irakurtzen ditu, edo indiferentziaz beste liburu asko moduan pasatzen da. Oso zaila da hori jakitea. Ni, behintzat, oso aske sentitu naiz idazteko orduan.

8. Beharbada emakumezkoa gizonezkoaren ikuspuntura etorri ote den? Bai, baina alderantziz ere gerta daiteke: emakumeak zenbait alderdi –fisikoak batez ere- historikoki oso reprimituak izatea eta behingoz askatzen joatea. Isuria alde bietara dagoela uste dut. Gizona agian emakumetu egin da neurri batean, eta emakumea gizondu bestean. Neurri batean, ez dut uste hori txarra denik.

9. Egia da esamolde asko naturarekin, animaliekin lotuak daudela. Hori landu beharra dago. Sinonimo eta metaforak ere bai. Kontuz ibili beharra dago horrekin. Zakila adierazteko hainbat izen dago, baina hitz bakoitzak bere zentzua du. Intimitate handiko une batean, esate baterako, odolostea, odolkia edo saltxitxa hitza erabiltzen baldin baduzu, giroa apurtu egiten duzu erabat.

10. Nik uste dut haren Tentazioak liburuak harrera ona izan duela, eta zerbaiten seinale dela, badagoela egarri bat euskal irakurleen artean horrelako gaietarako. Badago sentsazio bat askoren artean euskal literatura zuriegia dela, eta baduela piper pixka baten beharra. Orain, ez dakit horrek argitaletxeen jarrera aldatzeko adina eragin izan duen.