1. Mutilak motxila horia ekartzen du. Mutilari biziki gustatzen zaizkio Iparraldeko herriak.

2. Emakumeak hanka altxatuta dauka. Txakurrak emakumeari piza egin dio.

3. Bikotea itsasoari begira dago. Bikotea eztei-bidaia egiten ari da.

4. Gizonak soinua jotzen du. Gizonak ez du ezer ikusten

5. Gure aurretik pasatuko da. Ez dit hitz egin nahi

6. Gizona zuriz jantzita dago. Gizonak ondoko bikoteari bidaia saldu zion.

7. Hauek bidaia egin nahi dute. Hauei bidaia oso garestia iruditzen zaie.

8. Gizona kokoteraino dago. Gizonak argazki makina bizkarretik zintzilik du.

9. Haurra ez da isiltzen. Haurrak gurasoei izozkia eskatu die.

10. Pelikula gustatzen zait. Pelikula ez dute jarriko.

11. Haurra hurbildu zaizu. Haurra nire loba da.

12. Eskutitzak heldu zaizkigu. Eskutitzak haziendatik datoz.

13. Irakasleek asko dakite. Irakasleak apalak izaten dira.

14. Sekretuak dakizkizu. Sekretuak jakin nahi ditugu.

15. Liburua nik daukat. Liburua oso lodia da.

Zuzenketa-orria

1. Motxila horia ekartzen duen mutilari biziki gustatzen zaizkio Iparraldeko herriak.
2. Hanka altxatuta daukan emakumeari txakurrak pixa egin dio.
3. Itsasoari begira dagoen bikotea eztei-bidaia egiten ari da.
4. Soinua jotzen duen gizonak ez du ezer ikusten.
5. Gure aurretik pasatuko denak ez dit hitz egin nahi.
6. Zuriz jantzita dagoen gizonak ondoko bikoteari bidaia saldu zion.
7. Bidaia egin nahi dutenei oso garesti iruditzen zaie.
8. Kokoteraino dagoen gizonak argazki makina bizkarretik zintzilik du.
9. Isiltzen ez den haurrak gurasoei izozkia eskatu die.
10. Gustatzen zaidan pelikula ez dute jarriko.
11. Hurbildu zaizun haurra nire loba da.
12. Heldu zaizkigun eskutitzak haziendatik datoz.
13. Asko dakiten irakasleak apalak izaten dira.
14. Dakizkizun sekretuak jakin nahi ditugu.
15. Nik daukadan liburua oso lodia da.