www.santurtzieus.com

ERLATIBOA 17

LAGUNTZA

ARIKETA GEHIAGO

UNITATEAK

Ariketa honetan erlatibozko esaldiak landuko dituzu. Horretarako, ematen zaizkizun bi zatiak mota honetako esaldi bat eginez lotu beharko dituzu.

En este ejercicio trabajarás las oraciones de relativo. Para ello deberás unir las dos partes que se te ofrecen mediante una oración de este tipo.

 

Lotu itzazu bi esaldi horiek erlatibozko esaldi baten bidez:

  1. Mutil horiek oraindik ez dira ezkondu. Mutil horiekin ibiltzen naiz.

  2. Orri mordoa zapaldu duzue. Irakaslearenak dira

  3. Ikasle hauek ez dute ezer gosaltzen. Eguerdian gaizki ibiltzen dira.

  4. Akzio horiek behera egin dute. Ez ditu inork erosiko

  5. Ikasle hauek ez dakite idazten. Nola gaindituko dute?

  6. Umeak mugitzen ari dira. Ez dira ondo irtengo argazkian.

  7. Santurtziko gazteek ez dute neurririk edatean. Hobe agertzen ez badira.

  8. Epaile hark guztiak zigortu zituen. Jubilatu egin dute.

  9. Irratiak albiste itzelak eman ditu. Harrituta utzi naute.

  10. Mutil hark argi indartsua ikusi zuen. Errepideko farolarena zen.

  11. Langile horiek ez dira goiz jaikitzen. Egunean zehar ez dute ezertarako astirik.

  12. Txakur handi hauek zaunka gehiegi egiten dute. Ez dute haginka egiten.

  13. Medikuak sendagai bat agindu dit. Ez dit ezer egiten.

  14. Apostuzale haiek gehiegi jokatzen dute. Galtzeko ordua etortzen zaie.

  15. Lantegi batzuk ez dira gaurkotzen. Porrot egingo dute.

 

Zuzenketa-orria

  1. Oraindik ezkondu ez diren mutil horiekin ibiltzen naiz.
  2. Zapaldu dituzuen orriak irakaslearenak dira.
  3. Ezer gosaltzen ez duten ikasle hauek eguerdian gaizki ibiltzen dira.
  4. Behera egin duten akzioak ez ditu inork erosiko.
  5. Idazten ez dakiten ikasleek, nola gaindituko dute?
  6. Mugitzen ari diren umeak ez dira ondo irtengo argazkian.
  7. Edatean neurririk ez duten gazteak hobe agertzen ez badira.
  8. Guztiak zigortu zituen epailea jubilatu egin dute.
  9. Irratiak eman dituen albisteek harrituta utzi naute.
  10. Mutil hark ikusi zuen argi indartsua errepideko farolarena zen.
  11. Goiz jaikitzen ez diren langileek egunean zehar ez dute ezertarako astirik.
  12. Zaunka gehiegi egiten duten txakurrek ez dute haginka egiten.
  13. Medikuak agindu didan sendagaiak ez dit ezer egiten.
  14. Gehiegi jokatzen duten apostuzaleei galtzeko ordua etortzen zaie.
  15. Gaurkotzen ez diren lantegiek porrot egingo dute.