Joomla atariak kudeatzeko sistema bat da, zeinetan gehien bat artikulu edo berriak argitaratzea da funtzionalitate erabiliena. Horretarako erabiltzaile-mota ezberdinak bereizten ditu (kudeatzailea, argitaratzailea, editorea...) eta aukera asko eskaintzen ditu berriak aurkezteko: blog erara, flash moduan...

 

Horretaz gain, Joomlak berez dakar edukietan bilatzeko sistema eta baita beste funtzionalitate interesgarri batzuk ere: RSS jarioak, izena emandako erabiltzaileei posta bakar batez jakinarazpenak bidali, bozketak egiteko sistema, lotura interesgarriak bidali eta aurkeztekoa...

 

Garatzaile-komunitate handia du atzean Joomlak eta oso ondo kudeatutako laguntza-foroak. Bestalde, hainbeste enpresa ari da bateragarri diren osagaiak sortzen eta itxura ezberdinak eskaintzen dituzten gaiak (themes) diseinatzen, batzuk doan eskuratzeko modukoak eta beste batzuk, ordainduta.

 

Hizkuntzari dagokionez, lan handia ari dira egiten lokalizatzeko eta 1.1 bertsiorako webgune eleanitzak sortzeko gaitasuna izango omen du Joomlak. Bitartean IKTak taldean euskaratzeari ekin diogu eta webgune hau da horren emaitza.

 

Amaitzeko, informazioa lortu eta sofwarea bera jaitsi ahal izateko, hona hemen helbide interesgarri batzuk:

 

 

Iruzkinak

Berria gehitu Bilatu RSSa

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."