Moodle Doc-ak Euskaraz (II) - Santurtziko Udal Euskaltegia

Osteguna, 2008(e)ko azaroak 20

SUE

Ostirala, 2007(e)ko azaroa(r)en 23-(e)an 11:00etan

Santurtziko Udal Euskaltegiak Moodle Doc-ak Euskaraz proiektuaren bigarren aldia amaitutzat eman du.

Moodle Doc-ak Euskaraz proiektua 2006ko urrian sortu zen eta ordutik 2007ko otsailera bitartean Moodle plataforma telematikoan irakasle gisa aritu ahal izateko dokumentazioa osatu zuen Santurtziko Udal Euskaltegiak.

Harrez geroztik, Moodle sistemako kudeatzaileei begirakoa lantzeko garaia izan da eta gaur amaitutzat eman dugu zeregin hori.

Proiektuaren egungo egoera zertan den ikusteko datu batzuk ekarri ditugu.

Guneak denera 674 orri ditu, honela banatuta:

30 bat dokumentu Moodle-ri eta Moodle Doc-ei buruzko dokumentazioari dagozkio

310 bat orri kudeatzailearen atalekoak dira

330 bat orrik irakaslearen dokumentazioa osatzen dute.

Oraindik ere itzuli gabe dauden orriak 98 dira (%14,50), eta , besteak beste, bi multzotan sailka daitezke:

Rolak eta Gaitasunei dagozkienak (kudeatzailearen dokumentazioan)

Jarduera-moduluen erabilera didaktikoei dagozkienak (irakaslearen dokumentazioa)

Honela, gaur egun itzulitako orriek Moodle instalazioa kudeatu ahal izateko beharrezko datu eta ohar guztiak jasotzen dituzte. Horiez gain, ikastaroak sortu eta hezkuntza-jarduerak burutu ahal izatekoak ere izango ditugu eskura.