|
|
|
Elkarreragina
Eztabaida batean parte hartzen ari diren partaideek elkarri eragiten diote, eztabaidak dirauen bitartean. Horrela, hitz egiten ari diren bitartean, bakoitzaren jarrerak, iritziak, usteak... besteenean dute eragina; eta besteenek, bakoitzarenean. Horregatik, ez da harrigarri gertatzen bakoitzaren iritzia besteenarekin osatzea edota aldatzea.
Interakzioa
Eztabaidan parte hartzen ari direnek besteek esandakoari erantzun beharra sentitzen dute; edota, gutxienez, nolabaiteko erreakzioa izaten dute.
Interakzioaren aurrean, ez da aurreikusten norbere iritziaren eboluzioa edo garapenik; bestearen edo besteen iritziaren aurreko erantzuna soilik.
Negoziazioa
Elkarreraginarekin lotutako kontzeptua dugu. Bai interakzioa, bai negoziazioa argumentazioaren elementuak ditugu.
Negoziazioak interakzioan gerta litezkeen zenbait ekintzarekin du zerikusia:
 |
Bestearen iritzia ondo ulertu den ziurtatzea. |
|
Besteak norbere iritzia ondo ulertu duen ziurtatzea. |
|
Adostasuna adieraztea |
|
Jarrera ezberdinak hurbiltzeko aukerarik dagoen ikustea |
|
Esan nahi dena birformulatzea besteak/besteek hobeto ulertze aldera. |
Argumentazioarekin lotutako zenbait funtzio jakin burutzeko honako hauek erabiltzen dira.
Iritzia emateko
|
"Nik uste dut... -la" |
|
"Iruditzen zait... -la" |
|
"Esango nuke ...-la" |
|
"Nire ustez" |
|
"-t(z)earen alde/kontra nago" |
|
"Eta zergatik ez duzu ...-tzen" |
|
"Oraingoan ... bazenu" |
Ukatzeko, desadostasuna adierazteko
|
"Ez nago konforme / ados" |
|
"Ez zait iruditzen" |
|
"Ez dut uste horrela denik" |
|
"Ez nator bat zurekin" |
Gaitzespena adierazteko
|
"Horrela ezin da ....-rik egin" |
|
"Ez da ... rik egiterik"/"Horrela egingo duenik ez dago." |
|
"Ezin dute gehiago horrekin." |
|
"... eraman ezinezkoa zait" |
|
"Ez dago hau jasango duenik" |
Gomendatzeko
|
"Zergatik ez duzu ... –tzen"? |
|
"Bururatu zaizu ... –tzea"? |
|
"Hobe duzu/zenuke ... –tzea" |
|
"Nik zuk bezala/legez ... egingo nuke" |
Aurreko funtzioak betetzeko testu antolatzaileak:
Arrazoiak gehitzeko
| gainera, baita ... ere, are gehiago, ez hori bakarrik, batetik... bestetik..., -(e) nez..., -lako |
Arrazoiak kontrajartzeko
| baina, hala ere, edozein modutan, dena den, nahiz eta, arren... |
Konklusiorako
| beraz, honela, ondorio gisa, laburbilduz, horregatik, , hau guztia dela eta, arrazoi hauengatik... |
Bestelako funtzio osagarriak
Informazioa jaso dela adierazteko
| "Ondo", "Bai", "Ja", "Ea, ikus dezagun" |
Funtzio metadiskurtsiboa
Hau da, burutzen ari den edo burutu nahi den edo burutu den eginkizunarekin berarekin lotuak; argudiatze-eginkizunarekin lotuak, alegia
| "X-ek esandakoari erantzungo diot"; "Ez moztu, mesedez", "Barkatu, baina nire txanda da", "Askotan errepikatu dut", "Ez didazu ondo ulertu", "Nahiko nuke nik esandakoari norbaitek erantzutea", "X-ek esandakoa laburtzen badut..."... |
Erregulaziozkoak
| "Ez da hala?", "Entzudazu", "Begira zer diotsudan", "Jarrai dezagun"... |
Intentsitatea modulatzen dutenak
| "Asko, oso..." jakina"," horixe baietz"... |
Zerbait lortzeko edo konpentsatzeko estrategiak
|
Hitz jakin bat aurkitzen ez denean, bere definizioa eman: "Zera, erreklamazioa egiteko aurkezten duzun eskari hori..." |
|
Edozertarako erabiltzen diren hitzak: "traste", "gauza", "zera" |
|
Atzerritartzea: bigarren hizkuntzaren ahoskerarekin eman ema hizkuntzako hitz bat: "konklusioa", "erregulazioa"... |
|
Atzeratzeko edo denbora irabazteko estrategiak: |
|
Betegarriak, zalantzazko trikimailu eta taktikak: "hara", "egia esan", "zera esan nahi dut"... |
|
Norberak edo besteak esandakoa errepikatzea |
Birformulazio estrategiak
|
Norberak esandakoa konpondu: "Esan nahi dut..." |
|
Norberak esandakoa beste modu batera esan. |
Elkarreragina estrategiak
Ez ulertzearen edo txarto ulertzearen inguruan gertatzen direnak:
|
Eskaerak: errepikatzeko eskatzea (Esango zenuke berriro, mesedez? Zer esan duzu?, Nola...?); argibideak eskatzea (Zer esan nahi (izan) duzu horrekin? Ez dizut ondo ulertu..); baieztatzeko eskatzea (Hau esan nahi izan duzu? Ondo ulertu dut?...); ez ulertzearen adierazpenak (hitzezkoak eta ez-hitzezkoak). |
|
Erantzun posibleak: Berriz esatea, beste era batera esatea, azalpen luzeagoa ematea, murriztea, baieztatzea, konpontzea...; begiratzea, obserbatzea... |
LAGUNTZA GEHIAGO