Mariasun Landaren azken nobelak independentzia pertsonalaren bila doan euskal neska gazte baten lan, bizikizun eta maitasun ibilbidea kontatzen digu, Parisen 1968ko udazkenean.

Kolore guztietako pertsonaiak, pasadizoak eta gorabehera gazi-gozoak, umore puntu batez tratatuak; azken finean, bizitzara irekitzen den gazte baten kronika sentimentala.

Kontakizun autobiografiko honetan, Mariasun Landaren zintzotasunak hunkitzerainoko zirrara eragiten digu, bizitzeko pasioa kutsatzen digu eta hasieratik bukaeraraino katigatzen gaitu, eleberri onaren maisutasun narratiboak eramanda.

Liburuaren datuak:

• Izena: Festa aldameneko gelan

• Idazlea: Mariasun Landa

• Argitaletxea: Erein

• Urtea: 2007